Беренсе алтын яуланды

Бөгөн Пекинда үткән ҡышҡы Олимпиадала ир-егеттәр скиатлоны – классик һәм ирекле стилдә уҙыш (2х15 км) үтте. Брянск өлкәһе саңғысыһы Александр Большунов 30 км дистанцияла еңеү яуланы. Фигишҡа икенсе булып килеүсе саңғысы ла Рәсәй спортсыһы – Денис Спицов Большуновтан бер минут самаһы артта ҡалды. Өсөнсө урынға финн Иво Нисканен сыҡты, ул Большуновтан теүәл ике минутҡа һуңғараҡ фигниш һыҙығын үтте.

Фото:championat.com