Шайморатов исемендәге батальон яугире батырлыҡ күрһәткән

Башҡортостандан махсус хәрби операцияла ҡатнашыусы Миңнеғәле Шайморатов исемендәге батальондың взвод командиры Ренат Алиев батырлыҡ өлгөһө күрһәткән – дошман һалдатын әсирлеккә алған, тип хәбәр итә “Башинформ”.

Соствында дүрт яугир, шул иҫәптән Ренат Алиев булған разведка төркөмө Украина ҡораллы көстәренең ете кешенән торған диверсия-разведка төркөмөн асыҡлаған.

Кесе сержант Ренат Алиев оборона ойошторған. Алты дошман һалдаты юҡ ителгән, тағы береһен Ренат Алиев ҡул һуғышында ҡоралһыҙландырған һәм подразделение штабына алып килгән.