-6 °С
Болотло
Бөтә яңылыҡтар
Аш-һыу Рецепты
14 Май , 11:24
Яҙғы аштар
“Ҡара ергә аяҡ баҫтыҡ, былай булғас астан үлмәҫбеҙ”, – тип ҡыуанған һуғыш йылдарында “аслыҡ һурпаһы” эскән быуын кешеләре. Ҡуян тубығы, йыуа-әтмәкәй ҡаҙып ашағандар, кесәрткән, балтырғандан аш бешергәндәр. Ә ҡуҙғалаҡ, ҡаҡы, ҡымыҙлыҡ ниндәй тәмле! Хәҙер, шөкөр, ризыҡтан өҫтәл һығылып тора. Ә шулай ҙа яҙын һәммәбеҙ тәбиғәт биргән үләндәрҙән ауыҙ итергә тырышабыҙ. Эйе, уларҙы туңдырып та, киптереп һаҡларға була. Әммә миҙгелдең был осоронда уларҙы өҙөп, йә бешереп ашағанда файҙаһы күберәк буласаҡ. Витаминға бай осорҙо ҡулдан ысҡындырмағыҙ!
Ҡуҙғалаҡ ашы
Балтырған (бәпкә) ашы
Бәпкә ашын, ғәҙәттә, ыумас итеп бешерәләр. Бер ус йәш үләнде эҫе һыу менән тиҙ генә бешекләп алып турайһың да, ҡайнап ултырған һыуға һалаһың, самалап тоҙ өҫтәйһең. Ыумас ыуып һалаһың. Ул бешеп сыҡһа – аш әҙер. Ошолай ғынаашарға ла була. Кемдер ашҡа йомортҡа һытып, болғатып ебәрә. Нисек кенә итеп бешерһәң дә, яңы айыртылған ҡаймаҡ менән ғәләмәт тәмле була.
Кесәрткән һәм ҡуҙғалаҡ ашы
200-әр грамм кесәрткән менән ҡуҙғалаҡ, 3-4 картуф, 1 кишер, 2-шәр һуған һәм бешкән йомортҡа, 100 граамм ҡаймаҡ, 4 аш ҡалағы һыйыр майы, 2 аш ҡалағы туралған укроп, самалап тоҙ һәм борос.
Кишерҙе һаламлап, һуғанды ваҡ ҡына итеп турарға ла, һыйыр майында ҡыҙҙырырға. Кесәрткәнгә ҡайнар һыу ҡойорға ла, ваҡ итеп турарға ла, 7-8 минут ҡайнатырға. Картуфты шаҡмаҡлап, ҡуҙғалаҡты һаламлап турарға.
Ҡайнап сыҡҡан тоҙло һыуға картуфты һалып, 10-15 минут ҡайнатырға. Унан кишер, һуған, кесәрткән, ҡуҙғалаҡ өҫтәп, тоҙ һәм борос һибергә. Табынға биргәндә ҡаймаҡ һәм телемләп туралған йомортҡа һалырға.
Читайте нас:
© "Ейәнсура таңдары" сайты, 2020-2024
Гәзит Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. ПИ ТУ02-01355-се һанлы теркәү тураһында таныҡлыҡ 2015 йылдың 10 июлендә бирелгән.
Баш мөхәррир: Ә.М. Әйүпова.