"Сәләмәтлек поезы" тип аталған күсмә мобиль комплекс заманса техника менән йыһазландырылған. Унда иң яҡшы табиптар, шул иҫәптән тар белгестәр ҙә эшләй.
Бишенсе йыл үткәрелгән акция халыҡ араһында ҙур һорау менән файҙалана. Башҡортостандың был тәжрибәһен Рәсәй минздравы башҡа төбәктәргә лә ҡулланырға тәҡдим итә.
2022 йылда "поезд" республиканың 55 районының 259 ауылында булып, 43 мең кешегә медицина тикшереүе үткәрҙе. Бөтә анализда, тикшереүҙәр ҙә бушлай. Ҡабул ителеүсегә бары паспорт һәм медицина полисы менән килеүе шарт.
Башҡортостанда 26 "сәләмәтлек поезы" алты маршрут буйынса йөрөй. Уларҙың составы төрлө. Мәҫәлән, ҡайһы береһендә окулист һәм гинеколог булһа, икенселәрендә кардиолог һәм стоматолог булыуы мөмкин.
Беҙҙең районға "поезд" июлдә килеп етәсәк. Ул:
Арсенда - 07.07-10.07
Малиновкала - 11.07-12.07
Өмбәттә - 13.07-14.07
Трушинда - 17.07-18.07
Яңы Себенлелә 19.07-21.07 эшләйәсәк. Һәр кемдең сәләмәтлеге үҙ ҡулында, ауылдан сыҡмай ғына һәм бушлай медицина тикшереүе үтеү мөмкинлеген ҡулығыҙҙан ысҡындырмағыҙ!
