Күрше районда ҡурайға һәйкәл асылды

Йылайыр районының Иҫке Яҡуп ауылында 3 июнда “Атайсал” проекты сиктәрендә билдәле ҡурайсы, йырсы, композитор, актер һәм драматург Ишмулла Дилмөхәмәтовтың тыуыуына 95 йыл тулыу уңайынан ҡурай һәйкәлен асыу тантанаһы үтте.

Ошо уҡ көндә унда башҡорт халыҡ музыка ҡоралдарында уйнаусыларҙың республика конкурсының гала-концерты булды. Иң яҡшыларға иҫтәлекле бүләктәр тапшырылды.