Түрәләр "Жигули"ға күсеп ултырасаҡ

"Министрлыҡтар, ведомстволар, эштәр идараһы һатып алыуҙарҙы дауам итеүҙе, асылда, сит ил автомобилдәренә баҫым яһауҙы, бындай практиканы дауам итеүҙе һорап мөрәжәғәт итте. Мин быны бөтөнләй булдырмаҫҡа һәм илдең барлыҡ чиновниктары Рәсәй автомобилдәрендә йөрөргә тейеш тип әйттем", - тип белдерҙе дәүләт башлығы эшкәртеү сәнәғәте предприятиеләре етәкселәре менән осрашыуҙа.

Владимир Путин әйтеүенсә, "ҡайҙалыр элеккегә ҡарағанда тыйнағыраҡ буласаҡ". "Был насар түгел. Киреһенсә, хатта яҡшы. Был чиновниктар барыһы ла үҙебеҙҙең автомобиль брендтарын һәм башҡа продукцияны етештереүҙе үҫтереүгә ынтылырға кәрәклеген аңларға тейеш. Һәм тормош сифатын яҡшыртыу беренсе сиратта быға йүнәлтелергә тейеш", - тип билдәләне Президент.