Башҡорт балы Рәсәйҙә тәүгеләрҙән булып «хәләл» сертификатын алды

Башҡортостан – илебеҙҙә Рәсәй сифат системаһының яңы стандарттары буйынса балға «Хәләл» сертификатын алған тәүге төбәк. Был хаҡта “Башинформ” хәбәр итте. VII «Беҙҙең бренд» махсуслашҡан күргәҙмәһе барышында үткән «Рәсәй сифат системаһы – Хәләл сертификацияһын үҫтереү мөмкинлектәре тураһында» түңәрәк өҫтәлендә «Алтын Солоҡ» учреждениеһына ошондай сертификат тапшырылды.

Республикала экологик яҡтан таҙа бал төрҙәрен халыҡ-ара баҙарҙарға сығарыу өҫтөндә эш алып барыла. Әйтәйек, ғәрәп илдәре. «Хәләл» сертификацияһы башҡорт балына ошо баҙарҙарға сығыу мөмкинлеге биргән йәки процесты еңеләйткән төп шарттарҙың береһе булып тора.

Фото: Башҡортостандың Ауыл хужалығы министрлығы