Сатлама һыуыҡ көтөлә

Синоптиктар мәғлүмәттәре буйынса, Ейәнсура районында һауа температураһы ҡапыл түбәнәйеүе көтөлә.

Яндекс. Һауа торошо сервисы прогноздарынан күренеүенсә, бөгөн, 21 ғинуарҙа, аяҙлы-болотло була, бер аҙ ҡар яуа, һепертмә буран сыға. Һауа температураһы көндөҙ –9...–7, төндә –16...–11 градус тәшкил итә. Төньяҡ-көнбайыштан көслө ел – секундына 8-10 м тиҙлектә иҫә.

Иртәгә, 22 ғинуарҙа, башлыса аяҙ була. Термометр бағанаһы көндөҙ –17...–16 градус күрһәтһә, төндә –30 градусҡа тиклем түбәнәйә. Ел төньяҡ-көнбайыштан иҫә, еңелсә.

Кесаҙнала, 23 ғинуарҙа, көн болотло һәм яуым төшөмһөҙ була, һауа температураһы ҡабат күтәрелә башлап, көндөҙ –25...–19, төндә –20...–15 градус тәшкил итә, тип прогнозлай синоптиктар.