Сәләмәтлеккә табан 10 000 аҙым!

Бөгөн Новопавловкалағы "Дуҫлыҡ"паркында Бөтә донъя сәләмәтлек көнөнә арналған "Барыһына ла һаулыҡ!"девизы аҫтында "Йәшәүгә табан 10 000 аҙым" халыҡ-ара акция сиктәрендә сара үтте. 

Акцияла ҡатнашыусылар саф һауала "Йондоҙ менән күнекмә"ләр яһаны һәм парк тирәләй йәйәүләп 10 000 аҙым үтте. Шулай уҡ Иҫәнғол үҙәк дауаханаһы табип-кардиологы Илдар Ғәрифуллин сәләмәтлек тураһында һәм хәрәкәтләнеүҙең мөһимлеге хаҡында лекция менән сығыш яһаны. 

Шуныһы ҡыуаныслы, йәш быуын да был акциянан ситтә ҡалманы.