Бөтә яңылыҡтар

Йәшелсә һәм картуф үҫтереп һат та дәүләттән аҡса ал

Башҡортостан баҡсасылары үҙ участкаларында йәшелсә һәм картуф үҫтереп һатҡан өсөн дәүләттән субсидия алырға мөмкин

Йәшелсә һәм картуф үҫтереп һат та дәүләттән аҡса ал
Йәшелсә һәм картуф үҫтереп һат та дәүләттән аҡса ал

Был хаҡта Башҡортостан Хөкүмәтенең Республикаға идара итеү үҙәгендәге оператив кәңәшмәһендә ауыл хужалығы министры Илшат Фәзрахманов белдерҙе, тип яҙа “Башинформ”.

2023 йылдан элиталы орлоҡ һатҡан өсөн үҙмәшғүлдәргә аҡса бүленә — ставка 1 гектарға иҫәпләнә. Аҙыҡ-түлек маҡсаты өсөн картуф һәм асыҡ грунт йәшелсәләрен етештереүҙең бер тоннаһы яҡынса 4 мең һум менән баһалана (сығымдарҙың яҡынса 30%).

«Сара 2022 йылдың авгусында Рәсәй Ауыл хужалығы министрлығы менән төҙөлгән килешеүгә ҡул ҡуйылғандан һуң ауыл хужалығын үҫтереү дәүләт программаһына индерелә. Тәҡдим ителгән ярҙам саралары халыҡтың йәшелсә етештереп һатыуына килтерә», — тип билдәләне Илшат Фәзрахманов.

Әлеге көндә республикала бөтә йәшелсә һәм картуфтың 86% Башҡортостан баҡсасылары етештергән, тип өҫтәне министр.

Автор:Юлай Мурзабаев
Читайте нас: