Киләсәктә ҡарабойҙайға хаҡ төшөүе лә ихтимал

Башҡортостанда ҡарабойҙай уңышы  һәйбәт, гектарынан 12,9 центнер тәшкил итә, тип хәбәр итә “Башинформ”, республика Ауыл хужалығы министрлығының матбуғат хеҙмәтенә һылтанма менән.

Башҡортостан – әлеге культураны үҫтереү буйынса алдынғы төбәктәр иҫәбендә. Алтай крайы, Курск, Воронеж һәм Орел өлкәләре менән бер рәттән, тулайым йыйымдың яҡынса 75% беҙҙең республикаға тура килә. Ауыл хужалығы культураһы илдең 49 субъектында үҫтерелә.

Башҡортостанда ҡарабойҙай майҙандарының 45% ашыуы һуғылған, тулайым һуғып алыу 42,5 мең тонна тәшкил иткән. Ҡарабойҙайҙы тулайым йыйыу буйынса Илеш, Кушнаренко, Балтас райондары алдынғылыҡты бирмәй.