“БСК” Ейәнсура районында янғын һүндереүселәргә ярҙам ебәрҙе

Бөгөн иртәнсәк райондың Биштирәк ауылы янына “Башҡортостан сода компанияһы”нан урман янғындарын һүндерергә ярҙам итеү өсөн өс бульдозер килтерҙеләр.

Был хаҡта республиканың көньяҡ-көнбайышында янғындарға ҡаршы көрәш буйынса йәмәғәт штабы етәксеһе Зариф Байғусҡаров хәбәр итте. Бульдозерҙар урмандарҙа ут таралмаһын өсөн янғынға ҡаршы һыҙаттар булдырыуға йәлеп ителгән. Техника яғыулыҡ-майлау материалдары менән тәьмин ителгән.

Быға тиклем республика Башлығы Радий Хәбиров Урал аръяғындағы янғындарҙы һүндереүгә өҫтәлмә көстәр йүнәлтергә ҡушҡайны.