Башҡортостанда быйылғылай ҡоро август бығаса булмаған - Башгидромет

Башгидромет хәбәр итеүенсә, һуңғы 30 йылда республика биләмәһендә ошондай ҡоро августың булғаны юҡ ине. Йәйҙең һуңғы айында Башҡортостанда яуым-төшөмдөң 9% ғына яуған. Ҡайһы бер көнбайыш һәм көньяҡ райондарҙа ямғырлы бер көн дә күҙәтелмәгән.

Ләкин календарь көҙҙөң тәүге көндәре төҙәтмәләр индерә, тип хәбәр итте синоптиктар. 3, 4 сентябрҙә республиканың күпселек райондарында ямғыр яуыуы көтөлә. Башҡортостандың көньяҡ-көнсығышында әллә ни яуым-төшөм көтөлмәй. Ел көсәйеүсән. Ял көндәрендә һауа температураһы көндөҙ +13,+18 градусҡаса түбәнәйә.