Бишенсе тулҡын оҙаҡҡа һуҙыласаҡ, тип иҫәпләй ғалим

Коронавирустың яңы штамы – омикрон Рәсәйҙә бик йылдам тарала һәм илдең 74 төбәгендә теркәлгән дә инде. Коронавирустың бишенсе тулҡыны һуңғыһы булмауы бик мөмкин, сөнки вирустың үҙгәреүсәнлеге бөтмәй әле. Был хаҡта РИА Новости Новосибсрск дәүләт университетының бионанотехнология, микробиология и вирусология лабораторияһы мөдире Сергей Нетесовҡа һылтанма менән хәбәр итте.

“Был тулҡын оҙаҡ буласаҡ – ике, өс, дүрт ай”, – тип иҫәпләй ғалим. Вирусолог фекенсә, Рәсәйҙә коллектив иммунитет етерлек булмауы күҙәтелә – 60 проценттан әҙерәк.