Көслө ел, епшек ҡар һәм томан

Башҡортостан буйынса Ғәҙәттән тыш хәлдәр министрлығының матбуғат хеҙмәте хәбәр итеүенсә, алдағы тәүлектә һауа шарттарының насарайыуы көтөлә. Төндә аяҙлы-болотло була. Урыны менән бер аҙ ҡар яуа. Ел көньяҡтан секундына 7-12 метр. Һауа температураһы -3,-8, аяҙытҡанда -10,-15 градус.

Көндөҙ болотло һауа торошо. Епшек ҡар, урыны менән буран, сымдарҙа һәм ағастарҙа епшек ҡар, юлдарҙа көрт, боҙлауыҡ. Ел көньяҡтан, тиҙлеге секундына 7-12 метр, урыны менән 18 метрға етеүе ихтимал. Һауа температураһы -4, +1 градус. Юлдарҙың айырым участкаларында томан, күреү мөмкинлеге 500 метрҙан кәмей.