Рәсәйҙә Изге Валентин көнөнөң популярлығы кәмей бара

SuperJob үткәргән тикшеренеүҙең һөҙөмтәһе шундай, тип хәбәр итә “Башинформ”. Һорашыуҙа Рәсәйҙең төрлө төбәктәренән 3 мең кеше ҡатнашҡан.

Асыҡланыуынса, быйыл Ғашиҡтар көнөн рәсәйлеләрҙең 12 проценты ғына байрам итергә йыйына, был 15 йыл элеккенән дүрт тапҡырға әҙерәк. Шул уҡ ваҡытта һәр өсөнсө ир-егет һөйгәненә байрам көнөндә сәскә бүләк итәсәге тураһында белдергән. 34 йәшкә тиклемге ир-аттар араһында быны һәр икенсеһе (50%) эшләһә, 45 йәштән өлкәндәр араһында һәр дүртенсеһе генә (27%).