Коронавирус йоҡтороусылар һаны йылдам кәмей

Башҡортостандың коронавирус инфекцияһына ҡаршы көрәш буйынса оператив штабының 5 апрелгә ҡарата мәғлүмәттәренә ярашлы, республикала ауырыусылар һәм дауаханаға эләгеүселәр һаны йылдам кәмей. Һуңғы тәүлектә 487 яңы осраҡ теркәлгән, пандемия башланғандан алып Ковид-19 йоҡтороусылар һаны 278 683-кә етте.

Ковид-госпиталдәрҙә бөгөн 90 кеше дауалана, шуларҙың 62-һе 60 йәштән өлкән. 2956 кеше, шул иҫәптән 60+ йәштәге 1802 кеше – абулатор дауаланыуҙа.

Һауығыусыларҙың дөйөм һаны республикала 270 меңдән артҡан. 2 411 990 кеше тулыһынса вакциналанған.

Фото: Олег Яровиков / “Башинформ”.