13-сө тапҡыр әсәй булған

Ҡыуатов исемендәге республика клиник дауаханһында Балтас районынан 45 йәшлек ҡатын 13-сө тапҡыр әсәй булған. БЮТ каналы хәбәр итеүенсә, сабый һау-сәләмәт булып донъяға килгән, ауырлығы өс килограмдан артыҡ. Малайға Байрас тип исем ҡушҡандар.

“Теләк ҙур булғанда барыһы ла мөмкин. Хоҙай бала ла, уға ризығын да бирә. Балалар ир менән ҡатында яҡынайта ғына – улар менән мөхәббәт арта. Бына шулай йәшәйбеҙ”, – ти уның әсәһе инде ике тапҡыр өләсәй булырға ла өлгөргән Альбина Хәйҙәршина.