Ейәнсуралар рядовой Шәкүровты һуңғы юлға оҙатты

Абзан ауыл мәҙәниәт йортонда үткән матәм сараһында район хакимиәте башлығы Дәмин Юланов, Башҡортостан Республикаһы Дәүләт Йыйылышы - Ҡоролтай депутаты Әлфәрис Байсурин, Ейәнсура һәм Күгәрсен райондарының хәрби комиссары Ришат Әминев, Альберт Юнир улының ата-әсәһе, туғандары, класташтары, уҡытыусылары һәм райондың йәмәғәтселеге ҡатнашты. 

Район башлығы һалдаттың ата-әсәһенең, барлыҡ яҡындарының ҡайғыһын уртаҡлашып, ҡаһарман егеттең исемен мәңгеләштереү буйынса эштәр алып барыласаҡ, тине. Эйе, кемдәрҙер ҡасып-боҫоп йөрөгәндә, Альберт Юнир улы намыҫ менән тыныслыҡ хаҡына махсус операцияға юлланғайны... Бәхил бул, һалдат! Беҙ һине онотмаҫбыҙ!