+13 °С
Болотло
Башҡортостанда үткән тәүлектә коронавирус инфекцияһынан үлем осраҡтары теркәлмәгән. Әммә 313 кешелә был сир асыҡланған. Был хаҡта республика Һаулыҡ һаҡлау министрлығы мәғлүмәттәренә таянып “Башинформ” хәбәр итте.
Әлеге ваҡытта стационарҙа 200 пациент, шул иҫәптән 144 оло йәштәге кеше дауалана. Алты ауырыу ауыр хәлдә, бер пациент ИВЛ-ға тоташтырылған. 1992 кеше амбулатор дауалана, шуларҙың 598-е 60 йәштән өлкәндәр. Һуңғы тәүлектә 326 пациент һауығып сыҡҡан.