-3 °С
Болотло
13 ғинуарҙа Башҡортотстандың Урал аръяғында йәшәүселәр һирәк осраған тәбиғәт күренешен күҙәткән – күктә лентикуляр тип аталған болоттар пәйҙә булған. Уларҙың фотоларын шаһиттар социаль селтәрҙәрҙә күпләп сығарҙы.
Лентикуляр болоттар – матур һәм һирәк тәбиғәт күренеше. Ундай болоттарҙың төп үҙенсәлеге шунда – улар ел булыу-булмауға ҡарамаҫтан, хәрәкәтһеҙ ҡала.
Лентикуляр болоттар барлыҡҡа килеүен белгестәр атмосфера фронты яҡынлашыуы йәки алыҫ райондарҙан һауа массаларының күпләп күсеүе менән аңлата.