Район хакимиәте башлығы Дәмин Юланов социаль селтәрҙә 2013 йылда Ейәнсура районын төҙөкләндереү буйынса планлаштырылған эштәр менән таныштырҙы.
“Бөтәһе өсөн дә ҙур һәм ауыр тема – ул юлдар. Әммә беҙ был проблеманы ла яйлап, планға ярашлы хәл итергә тырышабыҙ. Үткән йылда ғына беҙ 15 км тирәһе юлдарҙы асфальтланыҡ, яңы тротуарҙар төҙөнөк. Был эште мотлаҡ артабан дауам итәсәкбеҙ”, – тип яҙҙы башлыҡ. Ул шулай уҡ төҙөкләндереү буйынса пландар менән уртаҡлашты:
– район үҙәгенең 1-се микрорайонында балалар өсөн уйын майҙансығы төҙөү буйынса проект-смета документацияһы әҙер һәм эш тиҙҙән башланасаҡ
– аграр колледж эргәһендә ГТО тапшырыу өсөн заманса майҙансыҡ төҙөләсәк;
– “Дуҫлыҡ” паркында яңы фонтан барлыҡҡа киләсәк;
– Үрге Муйнаҡ ауылында “Ауыл территорияларын комплекслы үҫтереү” программаһы буйынса спорт майҙансығы төҙөләсәк;
– “Ҡояшҡай” балалар баҡсаһы һәм Иҫәнғол мәсете фасады яңыртыласаҡ;
– Коммунистик урамынан Йәштәр урамына йәйәүлеләр өсөн аҫылмалы күпер кпаиталь ремонтланасаҡ;
– Йәштәр урамында аҫылмалы күперҙәр район дауаханаһына тиклем тротуар эшләнәсәк.