Дауыл тураһында иҫкәрттеләр

Республиканың Ғәҙәттән тыш хәлдәр министрлығы мәғлүмәттәре буйынса, 26 апрелдә көндөҙ урыны менән елдең тиҙлеге секундына 15-20 метрға етеүе фаразлана, тип яҙа “Башинформ”.

Аяҙлы-болотло һауа торошо көтөлә. Урыны менән бер аҙ ямғыр. Ел көньяҡтан, көньяҡ-көнсығыштан секундына 7-12 метр, көндөҙ айырым райондарҙа тиҙлеге секундына 15-20 метрға етергә мөмкин. Һауа температураһы төндә +6, +11°, аяҙытҡанда +1°, көндөҙ +18, +23°.

Фото: Өфөнөң Граждандарҙы яҡлау идаралығы