12 йәшлек ҡыҙ алкоголь менән ағыуланып, реанимацияға эләккән

Өфөлә 12 йәшлек ҡыҙҙы барҙа үтән алкоголһеҙ кисәнән һуң реанимацияға килтергәндәр. Раҫланмаған мәғлүмәттәр буйынса, уға спиртлы эсемлек ҡойғандар һәм бер аҙҙан уҡыусы ҡыҙҙы иҫһеҙ тапҡандар, тип яҙа “Башинформ”.

Йәмәғәт туҡланыуы нөктәһенә полиция хеҙмәткәрҙәре килгән, ә ҡыҙыҡай дауаханаға оҙатылған.

БР Һаулыҡ һаҡлау министрлығы белдереүенсә, уҡыусыны дауаханан 18 октябрҙә  сығарғандар ҙа инде.

Әлеге ваҡытта был хәл буйынса Өфөнөң Совет районы прокуратураһы тикшереү алып бара.