Һаулыҡ һаҡлау министрлығы коронавирус буйынса яңы мәғүлүмәт бирҙе

Башҡортостанда үткән тәүлектә 80 кеше коронавирус инфекцияһы йоҡторған. COVID-19 буйынса яңы мәғлүмәтте республика Һаулыҡ һаҡлау министрлығы хәбәр итте, тип яҙа “Башинформ”.

Бөгөн был сир менән ауырыған 107 кеше стационарҙа дауалана, шуларҙан 57 пациент оло йәштә. Амбулатор дауаланған 960 кешенең 432-һе 60 йәштән өлкәндәр. Һуңғы тәүлектә 84 кеше һауыҡҡан.

Алдағы тәүлектә коронавирус асыҡланған кешеләр һаны 82 булған. Башҡортостанды был сирҙең таралыу коэффициенты 0,90 тәшкил итә.

Фото: Ксения Калинина / “Башинформ”.