Башҡортостанда 2024 йылға йәшәү минимумы дәүмәле билдәле булды

Башҡортостан хөкүмәте ҡарары менән 2024 йылға йән башына һәм айырым социаль-демографик төркөмдәр өсөн яңы йәшәү минимумы күләмдәре билдәләнде. Документ республиканың рәсми хоҡуҡи мәғлүмәт порталында баҫылған.

 Ҡарарға ярашлы 2024 йылдың 1 ғинуарынан республиканың бер кешеһенә йәшәү минимумы 13753 һум (хәҙер 12650) тәшкил итәсәк. Эшкә һәләтле йәштәге халыҡ өсөн йәшәү минимумы 14991 һумға тиклем арта. Пенсионерҙар өсөн ул – 12530 һум (+ 540 һум), балаларға 13340 һум (+ 1069 һум) тәшкил итәсәк. Йәшәү минимумының был дәүмәлдәре киләһе йыл аҙағына тиклем ғәмәлдә буласаҡ.