Путин Башҡортостанда ҙур сара үткәреү тураһында бойороҡҡа ҡул ҡуйҙы

Рәсәй Президенты Владимир Путин Өфөлә “Рәсәй – спорт державаһы” халыҡ-ара спорт форумы үткәреү тураһында документҡа ҡул ҡуйҙы.

“2024 йылдың сентябрь-октябрендә Өфөлә “Рәсәй – спорт державаһы” халыҡ-ара спорт форумы үткәрергә” тиелә дәүләт етәксеһенең бойороғонда.

Был форумды ойоштороуҙы тәьмин итеү Рәсәй хөкүмәтенә йөкмәтелә. Башҡортостан хөкүмәтенә халыҡ-ара спорт форумын әҙерләүҙе һәм үткәреүҙе тәьмин итеү буйынса саралар күрергә тәҡдим ителә.