Эшләгәндәргә лә, эшләмәгәндәргә лә

1 апрелдән банктарҙың клиенттары булып киткән пенсионерҙар бер тапҡыр бирелә торған түләм рәүешендә күңелле бонус көтә ала.

Түләм пенсияны финанс учреждениеларының картаһына күсергән өсөн  бирелә. Был акцияла ҡатнашҡан банктар араһында ПСБ, Уралсиб, ВТБ һәм башҡалар бар.

Бонус күләме, һайланған банкҡа ҡарап, 2 меңдән 3 мең һумға тиклем тәшкил итә. Был һуңғы айҙарҙа банктың яңы клиенттары булып киткән һәм март айында пенсияһын картаға ала башлаған пенсионерҙарға ҡағыла.

Бынан тыш, апрелдән ай дауамында пенсионерҙарҙың иҫәбендә булған аҡсаға килем өҫтәләсәк. Процент ставкаһы шулай уҡ һайланған банкҡа бәйле.