Хәбировтар ғаиләһендә өс игеҙ бала тыуған

Башҡортостандың һаулыҡ һаҡлау министры Айрат Рәхмәтуллин Резеда менән Илшат Хәбировтарҙың йәш ғаиләһен өс игеҙ бала тыуыуы менән ҡотланы. Ведомство башлығы билдәләүенсә, был табиптар практикаһында һирәк осраҡ: ЭКО ҡулланмайынса, тәбиғи йөклөлөк менән өс бала табыу ихтималлығы 1:10000 осраҡ.

Ғаиләлә ике малай һәм ҡыҙ тыуған. Иң ҙурына Искәндәр, уртансыһына Радель, ә ҡыҙҙарына Амелия тип исем ҡушҡандар. Улар 5 майҙа донъяға килгән һәм бер ай тиерлек яңы тыуған сабыйҙар реанимацияһында булғандар, бында уларҙы Республика перинаталь үҙәге табиптары ҡараған. Был ваҡыт эсендә сабыйҙар нығынған һәм ауырайған, үҙ аллы тын ала, ашай алалар, әсәйҙәренең тауышын таныйҙар һәм йылмая башлағандар.

Министр өс игеҙәктең хәле тотороҡло, тип билдәләне.