1 сентябрҙән банкомат аша ҡулаҡса алыу сикләнә

Ҡайһы бер киң мәғлүмәт саралары банкоматтар аша аҡса биреү лимиты тәүлегенә 50 мең һум бөтә граждандар өсөн ғәмәлдә буласағы тураһында мәғлүмәт тарата. Үҙәк банк быны раҫламаны, әммә һорауҙар барыбер ҡала.

Закон нисек ғәмәлдә буласаҡ?

Сикләүҙәр бөтә граждандар өсөн дә ғәмәлдә буласаҡ, тип раҫлауҙы Рәсәй Банкы был раҫлауҙы кире ҡаҡты һәм яңы закондың нисек ғәмәлдә буласағын аңлатты.

“Банк кешенең иҫәбенән ҡулаҡсаны банкомат аша бирер алдынан уның мутлашыусылар йоғонтоһонда аҡса аламауын тикшерергә бурыслы. Тикшереү ваҡытында ул бындай операцияларҙың махсус билдәләре исемлегенә таянып эш итәсәк (Ул Рәсәй Банкы сайтында буласаҡ). Тикшереүҙе кешегә карта биргән банк үткәрәсәк", – тип хәбәр итте регулятор.

Үҙәк банктан асыҡлауҙарынса, әгәр банк бындай билдәләр тапһа, ул ҡулаҡса биреүҙе тәүлегенә иң күбендә 50 мең һум менән 48 сәғәткә сикләргә, шулай уҡ клиентҡа сикләүҙең сәбәптәре тураһында кисекмәҫтән хәбәр итергә тейеш.

Был ваҡыт эсендә енәйәтселәр йоғонтоһо аҫтында булған кеше аҡылына килә һәм ҡулаҡсаны алыуҙан һәм уны мутлашыусыларға тапшырыуҙан баш тарта ала, тип иҫәпләйҙәр Рәсәй Банкында.

"Бынан тыш, закон банктарға Рәсәй банкының мутлыҡ операциялары тураһында мәғлүмәттәр базаһына индерелгән кешеләргә банкоматтар аша ҡулаҡса биреүҙе айына 100 мең һумлыҡ сумма менән сикләү бурысын ҡуя. Был сара урланған аҡсаны сығарыу һәм аҡсаны ҡулаҡсаға әйләндереү буйынса енәйәтселәргә ҡаршы тороуға йүнәлтелгән», – тип өҫтәне регулятор.

Дәүләт Думаһының финанс баҙары буйынса комитеты рәйесе Анатолий Аксаков та был сикләүҙең киң ҡулланылышҡа инмәүен, сара урланған аҡсаны ҡулаҡсаға әйләндереү өсөн үҙ иҫәптәрен һәм карталарын биргән дропперҙарға ғына ҡағыласағын белдерҙе.