Һаҡ булығыҙ: мутлашыусылар яңы хәйлә ҡуллана!

Мутлашыуҙың буласаҡ ҡорбандары үҙ инициативаһы менән мутлашыусыларға мөрәжәғәт итә. Күп кенә зыян күреүселәр үҙҙәре мутлашыусыларға шылтыра һәм уларҙың командаларын үтәй.

Рәсәй Эске эштәр министрлығында аңлатыуҙарынса, енәйәтселәр ялған документтар йәки борсоулы хәбәрҙәр ебәрә. Шул уҡ ваҡытта ашығыс рәүештә шылтыратырға кәрәк булған номерҙы ҡалдыралар.

Граждандар мәғлүмәтте тикшерергә һәм бәйләнешкә инергә ҡарар итә. Һөҙөмтәлә үҙ инициативаһы буйынса мутлашыусыларға мөрәжәғәт итәләр. Был мутлашыусыларға банктар һәм элемтә операторҙарының шикле шылтыратыуҙарҙы туҡтатыу өсөн иҫәпләнгән хәүефһеҙлек системаларын урап үтергә мөмкинлек бирә.

Хәбәрҙәр төрлө ысулдар менән килергә мөмкин: мессенджерға, электрон почтаға, смс аша һәм хатта ябай почта йәшнигенә. Типик миҫалдар: аккаунтты ватыу, документтарҙы, банк йәки сим-карталарҙы алмаштырыу, хеҙмәттәр өсөн йәки штраф түләү кәрәклеге тураһында мәғлүмәт. Аҙаҡтан белгес менән ашығыс рәүештә телефон аша, ҡағиҙә булараҡ, мобиль элемтә номеры буйынса бәйләнешкә инеү талап ителә.

Шул уҡ ваҡытта мутлашыусылар, уларға үҙе шылтыратҡан кеше ярҙам тәҡдим иткән әңгәмәсеһенә ихлас ышана һәм уны алдау күпкә еңелерәк, тип иҫәпләй.

"Һеҙгә килгән бөтә мәғлүмәткә ышанмағыҙ. Хатта хәбәрҙә һеҙгә тулы исем-шәрифегеҙ менән мөрәжәғәт итһәләр ҙә йәки һеҙҙең хаҡта башҡа мәғлүмәттәр күрһәтелһә лә, мотлаҡ ебәреүсенең шәхесен тикшерегеҙ», — тип иҫкәрттеләр Рәсәй Эске эштәр министрлығында.

Фото: Ксения Калинина/ “Башинформ”