Ейәнсураларҙы Республика көнө һәм райондың 95 йыллығы менән ҡотланылар

Ҡәҙерле дуҫтар! Барығыҙҙы ла ысын мәғәнәһендә тарихи дата – тыуған районыбыҙ Ейәнсура ойошторолоуға 95 йыл тулыуы һәм Башҡортостан Республикаһы көнө менән ихлас ҡотлайым!

Беҙҙең тарих – Башҡортостан һәм Рәсәй яҙмышы менән айырылғыһыҙ бәйләнгән быуындарҙың тере йылъяҙмаһы. Ул күп милләтле халҡыбыҙҙың хеҙмәт даны, хәрби батырлыҡтары һәм аҡыллылығы менән һуғарылған. Бөгөн беҙ районыбыҙға нигеҙ һалыусыларҙы, Бөйөк Ватан һуғышы фронттарында батырҙарса һуғышҡандарҙы, тылда фиҙаҡәр эшләгәндәрҙе ғорурлыҡ һәм рәхмәт менән иҫкә алабыҙ. Уларҙың ҡаһарманлығы һәм ҡаҡшамаҫ ихтыяры – беҙҙең мәңгелек әхлаҡи йүнәлешебеҙ. Беҙҙең өлөшкә төшкән бөтә һынауҙар, беҙҙә иҫ киткес рух көсө, берҙәмлек, юғары намыҫлылыҡ һәм Ватанға һөйөү тәрбиәләп, ейәнсураларҙың характерын нығытты ғына. Бөгөн беҙҙең яугирҙәр махсус хәрби операция зонаһында намыҫ менән хеҙмәт итә, илебеҙ сиктәрен һаҡлай.

Беҙҙең изге бурысыбыҙ – был мираҫты ҡәҙерләп һаҡлау ғына түгел, ә тыуған ерҙең социаль-иҡтисади һәм мәҙәни сәскә атыуының яңы биттәрен ҡыйыу асып, уны арттырыу. Беҙ бөтә республика менән бергә ышаныслы алға барабыҙ, һәм мин ныҡлы ышанам: дөйөм тырышлыҡ менән беҙ бөтә пландарыбыҙҙы тормош­ҡа ашырасаҡбыҙ һәм Ейәнсура районын – тағы ла матурыраҡ, ә Башҡортостанды тағы ла көслөрәк итәсәкбеҙ!

Дәмин Юланов, МР хакимиәте башлығы.

* * *

Ҡәҙерле яҡташтар, Ейәнсура районы халҡы! Һеҙҙе Башҡортостан Республикаһы көнө һәм райондың 95 йыллыҡ юбилейы менән ихлас ҡотлайым! Был еребеҙ, уның бай тарихы һәм уникаль мәҙәниәте өсөн ғорурлыҡ менән тулы үҙенсәлекле көн.

Минең өсөн Ейәнсура районы – ысын күңелдән яратҡан һәм мөмкин тиклем йышыраҡ булырға тырышҡан ер. Һеҙ – еребеҙҙең байлығын үҙ ҡулдары менән булдырған һәм ишәйткән малсыларҙың һәм игенселәрҙең данлы традициялары вариҫтары. Күккә ашҡан тауҙар, сикһеҙ далалар һәм саф һыулы йылғалар һеҙҙең рух көсөгөҙ һәм эшһөйәрлегегеҙ менән айырылғыһыҙ бәйләнгән. Һеҙҙең үҙенсәлекле холҡоғоҙ, тарихҡа һәм туған телгә һаҡсыл ҡарашығыҙ миндә тәрән ихтирам уята. Һеҙ – был ерҙең төп байлығы һәм көсө.

Һеҙгә һәм ғаиләләрегеҙгә ныҡлы һаулыҡ, тыныслыҡ, именлек һәм яңы еңеүҙәр теләйем!

Зариф БАЙҒУСҠАРОВ, РФ Дәүләт думаһы депутаты.

* * *

Хөрмәтле Ейәнсура районы халҡы, һеҙҙе муниципаль берәмек ойошторолоуға 95 йыл тулыуы һәм Республика көнө менән бөтә йөрәктән ҡотлайым!

Беҙ районыбыҙ, уның бай тарихы һәм төп байлығы – эшһөйәр, тырыш һәм талантлы яҡташтар менән ғорурланабыҙ. Улар райондың үҫешенә белемдәрен, бар оҫталығын һәм көсөн һала, уның иң яҡшы традицияларын һаҡлай һәм ишәйтә, шулай уҡ яңы идеяларҙы һәм проекттарҙы тормошҡа ашыра. Тиҫтәләгән йылдар буйы тупланған традициялар ҡәҙерләп һаҡлана һәм киләсәк быуындарға тап­шырылып, муниципаль берәмектең артабан сәскә атыуы өсөн ныҡлы нигеҙ булдыра.

Барлыҡ ейәнсураларҙы был матур ваҡиға менән ҡотлайым! Ныҡлы һаулыҡ, бөтә башланғыстарығыҙҙа уңыштар, тотороҡлолоҡ, үҙ көсөгөҙгә һәм киләһе көнгә ышаныс, һәр ғаиләгә һәм йортҡа тыныслыҡ һәм именлек теләйем!

Рәил ӘБДРӘХИМОВ, БР Дәүләт Йыйылышы – Ҡоролтай депутаты.