Башҡорт Үргене егете Рәсәй буйынса беренсе урын яуланы!

Ейәнсура районының Башҡорт Үргене ауылынан Солтанбаев Динислам Турсунали улы Республика инвалид балаларға дистанцион белем биреү үҙәгенең 10 А класында уҡый. Ул Рәсәй кимәлендә еңеүгә өлгәште – Мәскәүҙә “Абилимпикс” милли чемпионатында “Тәржемәсе” компетенцияһында ҡатнашып, беренсе урын яуланы. Афарин! Ҡотлайбыҙ!

Динисламды юғары квалификация категориялы уҡытыусы Шаһапова Альбина Ғүмәр ҡыҙы әҙерләгән.

Инвалидтар һәм һаулыҡ мөмкинлектәре сикләнгән кешеләр өсөн профессиональ оҫталыҡ чемпионаты “Абилимпикс” “Йәштәр һәм балалар” милли проектының “Профессионалитет” федераль проекты сиктәрендә үткәрелә.