Хәмер һатыу сикләнә

Башҡортостан Дәүләт Йыйылышы республикала Яңы йыл каникулы ваҡтында алкоголь һатыу режимы тураһында иҫкә төшөрҙө.

Ҡыҫҡартылған режим 3 ғинуарҙан башлап дүрт көн дауамында ғәмәлдә буласаҡ. Спиртлы эсемлектәрҙе сәғәт 8.00-дән 17.00-гә тиклем, 4-6 ғинуарҙа сәғәт 10.00-дән 17.00-гә тиклем һатып алырға мөмкин. Ҡалған көндәрҙә, шул иҫәптән 1, 2 һәм 7 ғинуарҙа, ғәҙәти график (8-ҙән 23-кә тиклем) ғәмәлдә була. Сикләүҙәр ваҡлап һатыу селтәренә генә ҡағыла. Кафе һәм ресторандар яңы йыл каникулдары көндәрендә ғәҙәттәгесә спиртлы эсемлектәр һата.

Шулай итеп, төбәктә алкоголь продукцияһы түбәндәге график буйынса һатыласаҡ:

1 ғинуар – иртәнге сәғәт 8-ҙән 23-кә тиклем

2 ғинуар – иртәнге сәғәт 8-ҙән 23-кә тиклем

3 ғинуар – иртәнге сәғәт 8-ҙән 17-гә тиклем

4 ғинуар – иртәнге сәғәт 10-дан 17-гә тиклем

5 ғинуар – иртәнге сәғәт 10-дан 17-гә тиклем

6 ғинуар ­– иртәнге сәғәт 10-дан 17-гә тиклем

7 ғинуар – 8 сәғәттән 23 сәғәткә тиклем.

Бындай тыйыуҙар Башҡортостанда йыл һайын Белем көнөндә, Йәштәр көнөндә, мәктәптәрҙә һуңғы ҡыңғырауҙа, шулай уҡ Һабантуй көндәрендә индерелә. Ҡағиҙәне боҙған өсөн штраф билдәләнгән. Вазифалы кешеләр өсөн ул — 20-40 мең һум, юридик берәмектәр өсөн 100-300 мең һум тәшкил итә.