Ҡарабойҙай ҡиммәтләнгән, макарон арзанайған

Башстаттың аҙналыҡ мониторингы мәғлүмәттәре буйынса, ҡарабойҙай ярмаһы, сусҡа ите, тауыҡ, алма, тары ярмаһы, икмәк, ҡара сәй, тоҙ, шәкәр, йомортҡа, һөт, эремсек, һыйыр ите, сосиска, сарделька һәм башҡа аҙыҡ-түлек бер аҙ ҡиммәтләнгән. Бер аҙнала уларҙың хаҡы 0,11-2,62 процентҡа артҡан, тип яҙа “Башинформ”.

Һуңғы аҙнала макарон, он, емеш-еләк, балалар өсөн емеш-еләк, ит һәм йәшелсә консервалары, ҡаймаҡ, эремсек, һарыҡ ите, йәшелсә, кефир, печенье, сыр, колбасаның бөтә төрҙәре, банан һәм башҡаларҙың хағы кәмегән. Бер аҙна эсендә уларҙың хаҡтары 0,03-5,67 процентҡа төшкән.

Фото: Галина Бахшиева | ИА «Башинформ»