Банан ҡабығынан ашлама

3 литрлы банкаға фильтр аша үткән һыу кәрәк, шишмә һыуы булһа бигерәк һәйбәт. 

Тик ул ҡайнамаған һәм бүлмә температураһында булырға тейеш. Шул һыуға 2 банан ҡабығы, йә 1 банан, 1 әфлисун ҡабығы һалып ҡуйырға мөмкин. 2 тәүлек төнәгәндән һуң, ашлама өлгөрә. Әгәр ҙә оҙағыраҡ ултырып китһә, һыу ҡушып һибергә кәрәк.

Бындай ашлама гөлдәрҙе йәшәртеү, япраҡтарын ялтыратыу, үҫемлекте нығытыу өсөн файҙалы. Әлеге мәлдә бигерәк тә туҡландырырға кәрәк, сөнки көн әлегә ҡыҫҡа, ҡояш яҡтылығы ла етмәй.