Тәҙрәләрегеҙҙе йыуҙығыҙмы әле?

* 1 литр һыуға 1 сәй содаһы һәм кер һабыны эретмәһе һалып болғатырға. Быяла йыуыу сараһы әҙер.

* Тәҙрәләр ныҡ бысранған булһа, сода эретмәһе ярҙам итер. Был эретмәне һиптереп, 10-15 минутҡа ҡалдырырға кәрәк. Әммә сода менән рамдарҙы ышҡырға кәңәш ителмәй, боҙоуы бар. Һөртөп алырға ғына кәрәк.

* Тәҙрәне йыуғанда һалҡын һыу һәм аш һеркәһе лә яҡшы таҙарта. Һыу менән (эҫе лә, йылы ла булмаһын) тәҙрәне йыуып, аш һеркәһе менән һөртөп сығығыҙ.

* Тәҙрә бысраҡ булғанда 1 л һалҡын һыуға 6-9 аш һеркәһе һалып, шул ҡатнашма менән йыуырға. Унан тәҙрәне ҡоротоп алырға.

* Әгәр тәҙрә быялаһы майланған булһа, нашатырь спирты ярҙамға килер. 1 л һыуға бер нисә тамсы спирт тамыҙып, быяланы йыуалар.