"Рәхмәт"һеҙ ҡалма!

Унда ҡиммәтле бүләктәр уйнатыуҙа ҡатнашыу өсөн QR-билеттар, шулай уҡ проект партнерҙарынан һатып алыуҙа ташламалар  хоҡуғы биргән «Рәхмәт» беләҙектәрен алыу мөмкинлеге бар.

    Республикала икенсе тапҡыр өйөшторолған был акция менән күптәр  ҡыҙыҡһына. Шуға күрә «Профи» медиа-коннект клубы  «Башинформ» майҙансығында матбуғат конференцияһы үткәрҙе. Ул йөкмәткеле һәм ҡыҙыҡлы итеп ойошторолған ине.

 Әйткәндәй, «Профи» медиа-коннект клубы,  «Медиапрофи» креатив технологиялар үҙәгенең һәм «Башинформ» мәғлүмәт агентлығының социаль проекты булып тора. Проект Башҡортостан  Башлығы гранттары фонды ярҙамында тормошҡа ашырыла.

     Матбуғат конференцияһында республиканың киң мәғлүмәт саралары вәкилдәре ҡатнашты һәм спикерҙарға үҙҙәрен ҡыҙыҡһындырған һорауҙарын биреп яуап ала алдылар.

     Әйтәйек, акцияла ҡатнашыу өсөн иң тәүҙә һайлауҙарға килергә кәрәк. Һәм быны ни тиклем иртәрәк эшләһәгеҙ, шул тиклем яҡшыраҡ. Тауыш биргәндән һуң һеҙгә QR-билет биреләсәк (ул бөтә ғаилә ағзаларына ла биреләсәк), уны һеҙ  рахмат102.рф сайтында теркәргә, контакт мәғлүмәттәрен тултырырға тейешһегеҙ.

    Еңеүселәр 6 һәм 7 сентябрҙә ике тапҡыр 14.00 һәм 20.00 сәғәттәрҙә билдәләнәсәк.

     8 сентябрҙә бүләктәр уйнатыу 14.00 сәғәттә була, ә кискеһен ул «бүләктәр төнө»нә әйләнәсәк. Шуға күрә QR-билетты ни тиклем иртәрәк алһағыҙ һәм уны сайтта теркәһәгеҙ, шул тиклем күберәк приз яулау мөмкинлеге бар һәм берәү түгел, сөнки еңеүсе билет конкурстан төшөп ҡалмай!

      Еңеүселәр тураһында мәғлүмәт  рахмат102.рф сайтында баҫыласаҡ. Унда шулай уҡ онлайн трансляцияла барасаҡ.