Башҡортостандың Үҙәк һайлау комиссияһы һайлауҙарға йомғаҡ яһаны

Республиканың Үҙәк һайлау комиссияһында төбәк башлығын һайлауҙа тауыш биреүгә килеүселәр һаны һәм тауыштар һаны тураһында аңлатма бирҙеләр.

— Һайлаусыларҙың 72,34 проценты тауыш биргән, – тип белдерҙе Башҡортостандың Үҙәк һайлау комиссияһы рәйесе урынбаҫары Марат Ғәҙилов. – Һайлау кампаниялары буйынса һөҙөмтә түбәндәгесә. Радий Хәбиров – һайлаусыларҙың 80,21%, Иван Сухарев – 4,98%, Владимир Нагорный — 4,26%, Артур Шәйнуров — 6,95%, Илшат Тимерйәнов 2,60% тауышын йыйҙы.

Мәскәүҙә экстерриториаль участкала 298 кеше тауыш бирҙе.

Һайлауҙарҙа 11 873 күҙәтеүсе эшләгән. Улар билдәләүенсә, теркәлгән закон боҙоуҙар юҡ.