ЮХХДИ инспекторҙары рейдтарға сыға

БР буйынса ЮХХДИ идаралығы начальнигы Владимир Севастьянов республикала “Ҡаршы һыҙат” рейдтары башланыуы тураһында хәбәр итте.

Башҡортостан дәүләт автоинспекцияһы етәксеһе белдереүенсә профилактика саралары юлдарҙа тыйылған урындарҙа ҡаршы һыҙатҡа сығыуҙан барлыҡҡа килгән юл-трансорт ваҡиғаларын икәртеүгә йүнәлтелгән.

“Ярты йылда беҙ 9 меңдән артыҡ шундай ҡағиҙә боҙоуҙар асыҡланыҡ. Ҡаршы һыҙатҡа сыҡҡан өсөн яза ярайһы уҡ ҡаты, 5 мең һум штраф йәки 4 айҙан 6 айға тиклем водитель танытмаһынан мәхрүм итеү ҡаралған. Ҡағиҙәне ҡабатлап боҙоусыларға автомобиль йөрөтөү 1 йылға тыйыла”, – тип билдәләне Владимир Севастьянов.

ЮХХДИ операцияһы 29 июлгә тиклем дауам итәсәк.