Хәүефле һауа шарттарына әҙер булығыҙ!

Рәсәй Ғәҙәттән тыш хәлдәр министрығының Башҡортостан буйынса баш идаралығы Республикала йәшен йәшнәүе, ҡойма ямғыр, боҙ-борсаҡ яуыуы тураһында хәбәр итте.

Иртәгә, 23 июлдә, аяҙлы-болотло һауа торошо. Ҡыҫҡа ваҡытлы ямғырҙар, урыны менән йәшен, көндөҙ урыны менән ҡойма ямғыр, боҙ-борсаҡ. Ел көньяҡтан, көньяҡ-көнсығыштан 5-10м/с, йәшен ваҡытында секундына 15-20 метрға тиклем көсәйә. Һауа температураһы төндә +14...+19°с, көндөҙ +23...+28 °С. Автомобиль юлдарында төндә һәм иртән урыны менән томан, күренеү мөмкинлеге 500-1000 м.