Күгәрсен кешеһе айыу менән күҙмә-күҙ осрашҡан ВИДЕО

Күгәрсен районында урындағы халыҡ айыу менән яҡындан осрашҡан. 

Осрашыуҙы видеоға төшөрөп алғандар.

«БашПрирода» ТГ-каналында урынлаштырылған ролик авторы раҫлауынса,  ул айыуҙы биш метр ғына алыҫлыҡта ҡыуаҡлыҡта осратҡан.

Уның бәхетенә күрә, айыу "изге күңелле" булып сыҡҡан, шуға ла осрашыу күңелһеҙ эҙемтәләрһеҙ тамамланған.

***

Ҡырағай хайуандар менән осрашыу тәртип ҡағиҙәләрен белмәү арҡаһында фажиғәгә әйләнергә мөмкин. Хайуандарҙың һөжүмендә күпселек кеше үҙе ғәйепле.

Мәғлүмәттәр буйынса, ғәҙәттә, хайуандар кешегә һөжүм итергә уйламай, шуға күрә ул кеше килеүен белһен һәм был урындан китһен өсөн (күренеү мотлаҡ түгел) тауыш бирергә кәрәк.
Йыртҡыстарҙың йәшәү урындарында яңғыҙ булмаҫҡа тырышығыҙ, кешенең күплеге хайуан барлығын һиҙмәй ҡалыу мөмкинлеген кәметә. Хайуанды күреү һәм ваҡытында асыҡлау өсөн асыҡ урындан йөрөргә тырышығыҙ.