Ейәнсурала ҡапыл йылыта, ҡар ҡатыш ямғыр яуа

Яндекс. Погода мәғлүмәттәренән күренеүенсә, 18 һәм 19 февралдә Ейәнсура районында көндәр аяҙ булыуы көтөлә. Һауа температураһы көндөҙ –9...–6 градус, тәшкил итәсәк, төндә –15 градусҡа тиклем һыуыта. Ел көньяҡ-көнсығыштан секундына  2-3 м тиҙлектә иҫә.

Аҙнаның һуңғы көнөндә, 20 февралдә, көндөҙ бер аҙ ҡар, төндә ҡар ҡатыш ямғыр яуыуы, буран сығыуы көтөлә. Һауа температураһы иртән – 10 градус тәшкил итеп, кисен һәм төндә –1 градусҡа тиклем йылыта, тип прогнозлай синоптиктар. Ел көньяҡтан һәм көньяҡ-көнбайыштан секундына 5-6 м тиҙлектә иҫә.