Ҡыш сигенергә уйламай

Февраль аҙағында көндәр йылынып, ҡарҙар ирей башлап, яҙ һулышы тойолһа ла, ҡыш ҡаршылашыуын дауам итә.

Яндекс. Һауа торошо мәғлүмәттәренән күренеүенсә, Ейәнсура районында бөгөн, 6 мартта, көндөҙ –4...–2 градус, төндә –13 градусҡа тиклем һыуыта. Аяҙлы-болотло булыуы, бер аҙ ҡар яуыуы көтөлә. Ел төньяҡ-көнбайыштан секундына 4-6 м тиҙлектә иҫә.

Киләһе ике көндә, 7 һәм 8 мартта, һауа температураһы көндөҙ –10...–9, төндә –13...–15 градус буласаҡ, тип прогнозлай синоптиктар. Ел төньяҡтан һәм төньяҡ-көнбайыштан секундына 3-4 м тиҙлектә иҫәсәк.