Аҙнаның беренсе көнөндә 17 градусҡа тиклем йылыта

Синоптиктар прогноздары буйынса, бөгөн, 11 апрелдә Башҡортостанда 12-17 градусҡа тиклем йылыта, республиканың көньяғында иһә һауа температураһы +8 градус тирәһе тәшкил итә. Ел көньяҡ-көнсығыштан, еңелсә.

Шишәмбелә, 12 апрелдә, республикала урыны менән ямғыр яуасаҡ. Ел көнсығыштан һәм көньяҡ-көнсығыштан. Һауа температураһы төндә +1...6, көндөҙ +9...14 градус.

Шаршамбыла, 13 апрелдә, шулай уҡ бер аҙ ямғыр яуыуы ихтимал. Ел көнсығыштан һәм көньяҡ-көнсығыштан, көнсығыштан иҫкәндә көсәйеүсән. Һауа температураһы төндә +1...6, көндөҙ +9...14, көньяҡта 19 градусҡа тиклем йылы.