Башгидромет мәғлүмәттәре буйынса, бөгөн, 18 апрелдә, төбәктә аяҙайыусан болотло буласаҡ. Бер аҙ ямғыр яуасаҡ. Көньяҡ-көнсығыш райондарҙа һиҙелерлек яуым-төшөм көтөлмәй. Ел көньяҡ-көнсығыштан һәм көньяҡ-көнбайыштан секундына 3-8 м тиҙлектә иҫә. Һауа температураһы көндөҙ +13...+18, төньяҡта 8 градусҡа тиклем йылы.
19 апрелдә урыны менән бер аҙ ямғыр яуа. Ел көньяҡтан һәм көньяҡ-көнсығыштан, еңелсә. Һауа температураһы төндә +3...+8, республиканың төньяғында 2 градусҡа тиклем һыуыта. Көндөҙ +7...+12, көньяҡта +20 градусҡа ҡәҙәр йылы.
20 апрелдә төндә урыны менән ҡыҫҡа ваҡытлы ямғыр яуыуы, күк күкрәүе көтөлә. Ел көнсығыштан, төньяҡ-көнсығыштан, еңелсә, күк күкрәгәндә көсәйеүсән. Һауа температураһы төндә +2...+7 градус, көндөҙ республиканың төньяҡ яртыһында +9...+14, көньяҡта +16...+21 градус тәшкил итә.