Ҡыҫҡа ваҡытлы ямғырҙар яуа, күк күкрәй

Башгидрометүҙәк мәғлүмәттәре буйынса, бөгөн, 20 июндә, республикала ҡыҫҡа ваҡытлы ямғырҙар яуа. Ҡайһы бер райондарҙа йәшен йәшнәүе, боҙ яуыуы прогнозлана. Ел көнбайыштан, көньяҡ- көнбайыштан, талғын, урыны менән көсәйеүсән. Һауа температураһы көндөҙ +17...+22 градус тәшкил итә.

Шишәмбелә, 21 июндә, төбәктә төндә урыны менән бер аҙ ямғыр яуа, күк күкрәй. Ел көнбайыштан, көньяҡ-көнбайыштан, талғын, урыны менән көсәйеүсән. Һауа температураһы төндә +9...+14, көндөҙ +17...+22 градус тәшкил итә.

22 июндә шулай уҡ урыны менән бер аҙ ямғыр яуыуы көтөлә. Ел көнбайыштан, көньяҡ- көнбайыштан, талғын, урыны менән көсәйеүсән. Һауа температураһы төндә +8...+13, көндөҙ +21...+26 градус.