Синоптиктар киләһе өс көнгә һауа торошо прогнозы менән таныштырҙы

Башгидромет мәғлүмәттәре буйынса бөгөн республикала болотло буласаҡ. Бер аҙ ямғырҙар яуа. Ел көньяҡ-көнбайыштан, секундына 9-14 м тиҙлектә иҫә. Һауа температураһы көндөҙ +8...+13 градус тәшкил итә.

Шәмбелә бер аҙ ямғырҙар көтөлә. Ел көнбайыштан, төньяҡ-көнбайыштан, еңелсә. Һауа температураһы төндә +3...+8, көндөҙ +8...+13 градус буласаҡ.

Йәкшәмбелә яуым-төшөм көтөлмәй. Ел төньяҡ-көнбайыштан, еңелсә. Һауа температураһы төндә +1...+6, градус тәшкил итә, көндөҙ +10...+15 градусҡа тиклем йылыта.