Майҙа көслө магнит дауылдары көтөлә

 Фаразлауҙарынса, 3-11 һәм 17-19 майҙа ҡояш айырыуса әүҙем булмаҡсы. 19-27 майҙа геомагнит әүҙемлек нормаға килә. Ә бына 28-31 майҙа ул тағы ла көсәйәсәк.

Был осорҙа метеобәйлеләр үҙҙәрен насар тойоуы мөмкин. Айырыуса кәйеф боҙолоу, хәлһеҙлек, баш ауыртыу, йоҡоһоҙлоҡ, ҡан баҫымының ҡапыл күтәрелеүе күҙәтелеүе бар.

Ай айырыуса артыҡ тән ауырлығы булғандарға, йөрәк-ҡан тамыры сире менән яфаланғандар өсөн хәүефле. Үҙегеҙгә һәм яҡындарығыҙға иғтибарлы булығыҙ!