Ҡыҫҡа ваҡытлы ямғырҙар, ҡырау төшөүе көтөлә

Башгидромет мәғлүмәттәре буйынса бөгөн, 10 майҙа, республиканың көньяғында ҡыҫҡа ваҡытлы ямғырҙар яуа. Ел көнсығыштан, төньяҡ-көнсығыштан, еңелсә. Һауа температураһы көндөҙ +12...+17, урыны менән 7 градус йылы.

11 майҙа төндә урыны менән бер аҙ ямғыр яуа, көндөҙ яуым-төшөм көтөлмәй. Ел төньяҡтан, төньяҡ-көнсығыштан, еңелсә, республиканың көньяғында көсәйеүсән. Һауа температураһы төндә +1...+6 градус, көнсығышта 0...–3 градусҡа тиклем һыуытып, ҡырау төшә, көндөҙ +14...+19 градус.

12 майҙа төндә урыны менән, көндөҙ республика буйынса ҡыҫҡа ваҡытлы ямғырҙар, көньяҡ райондарҙа күк күкрәүе көтөлә. Ел төньяҡтан, төньяҡ-көнсығыштан, еңелсә, урыны менән көсәйеүсән. Һауа температураһы төндә +3...+8 градус, көндөҙ +11...+16, көньяҡта 6 градус йылы.